Ang Hiniusang mga Nasod (Iningles: United Nations (UN)) mao ang internasyonal nga organisasyon nga ang nangunang misyon mao ang pagpadali sa kooperasyon sa mga isyu sa internasyonal nga balaod, internasyonal nga seguridad, pag-ugmad sa ekonomiya, pag-ugmad sa katilingban, ug katungod sa mga tawo. Napundar ang UN sa tuig 1945 pang-ilis sa Liga sa mga Nasod, aron malikayan ang mga pagsangka sa mga nasod aron mapugngan ang gubat.

May 192 na ka miyembrong estado ang UN, mitibuok sa tanang giila nga mga independenteng estado. Gikan sa iyang ulohan sa Dakbayan sa New York, ang UN ug ang iyang mga espesyalisadong ahensya mao ang tagahimo og desisyon sa mga isyu. Nabahin ang UN ngadto sa:

• Asambleyang Heneral
• Konseho sa Seguridad
• Konseho sa Ekonomiya ug Katilingban
• Ang Secretariat, ug
• Ang Internasyonal nga Korte sa Hustisya (ICJ)